2021.12.12(日)-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,162 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2021.12.11 《前一篇

後一篇》 2021.12.15

回應

給他日記貼紙

給他愛的鼓勵

檢舉

篇名: 2021.12.12(日)
作者: C	日期: 2021.12.12　　天氣: 　心情:

今仔日是十二月十二，禮拜日。我佇羅伯摸非。
較停仔轉去了後，愛載阿母去庄跤，載剪草仔機，去載阿爸。
原因講起來話頭長：
昨日禮拜五，阿嫂欲共阿爸借舊厝鎖匙，講是朋友欲討一仙關公像，囥佇舊厝。
結果拜五阿爸先予阿姐載去開門，竟然紮毋著，隔開200元予人換鎖匙。
食中晝了，阿嫂一陣人嘛來矣。
有阿嫂，和伊講的朋友，閣有朋友的朋友，閣一位朋友的朋友的朋友。
其中一位上無熟的彼位，聽講是博士教授。聽阿爸講目睛金金相東相西。
結果一箱一箱，一包一包，除了關公相以外，亦閣有碗盤匹仔，講攏是阿嫂當初時搬入去的，
但是阿爸攏無看著內底啥貨。
因猶講，後逝欲閣來，欲開一台較大的來載...
昨昏，阿嫂閣講欲借鎖匙，因為關公像的座歹去，欲還，順紲閣載一寡物件。
阿爸真毋願，雖然捌共阿兄講，阿兄總是無要意，攏講內面也無金仔角，無要緊啦。
但是我嘛感覺真怪奇。
關公像只是一個藉口，我煩惱的是阿公留落來的古早物。
阿嫂無捌對彼間古厝有感情，雄雄欲搬物件，隨燃較早捌滯過，物件嘛攏結婚時搬入去的，
但是這幾年攏無行跤到，這馬煞雄雄欲來搬，總是感覺無啥著。

一間厝，有序大，才是家，心有佇咧，才是家。
無序大，無心，只是一個物，
另工，我嗎愛像阿爸阿母共款，做一個序大，愛予囡仔一個穩定的心，穩定的家。
但是，太太這馬攏無予囡仔和阿公阿媽，和規家伙仔作伙食飯，
予我和囡仔嘛無啥作伙食飯。
無知欲按怎共伊講，伊嘛講袂聽。
我驚以後就像阿爸共款，陪老母，無顧囝仔，親像一個自私的人。
嘛驚為著顧囡仔，煞放老爸老母佇邊仔，滯作伙，煞一工見無一面。

講著舊厝，這馬愛煩惱的是，
1.先揣做鐵厝來補強
2.若會使，倩人大拚掃，重油漆。
3.窗仔門隨個換
這馬第一關就無才調做矣...

標籤:

瀏覽次數:185 人氣指數:385 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：