2021.12.25-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,004 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2021.12.22 《前一篇

後一篇》 2021.12.26

回應

給他日記貼紙

給他愛的鼓勵

檢舉

篇名: 2021.12.25
作者: C	日期: 2021.12.25　　天氣: 　心情:

今仔日是十二月二五，禮拜六，我佇羅伯摸非。
一透早就來，因為昨暝無薰矣。我洗面了就趕緊出門先買代先。
出門前，想著窗仔邊掛的襪仔，半暝太太已經共禮粅囥佇邊仔我閣徙較倚咧。
拄才我先共工課做煞，才來寫日記。

昨昏二四，禮拜五。我小睏過頭，開車到位，徛路口，已經小可傷晏。
我早時先共資料印出來，影印卡無夠，先印一部份，其它交予油印，
結果負責油印的大姊講我物件印傷倚，愛我重印才來。

倚中晝彼兩批，因為我疏忽，竟然講無著。後禮拜閣歇睏，無法度更正，看欲按怎才好。
批號是"頂五批"，愛記起來。揣時間去彼間直接講。
其他兩批，後禮拜一會當額外講較無要緊。
下晡趁著兩小時閒工，但是嘛是趕工做工課。
拄好會赴上尾節交代。
下晡路口徛了，下班先載學姊坐車，閣趕去買鴨肉便當，載囡仔，
到厝了，倚講袂當看電視，所以一直外口耍樹葉仔和塗。看著無甘閣歡喜。
下暗囡仔學琴欲表演，我綴伊予太太載去。我欲去中華電信重印講著講的發票
結果我證件佇太太遐，領未到。先轉來厝食飯，收衫摺衫。
拚糞圾時，太太敲電話叫我去看囡仔表演，我趕去的時，伊已經彈了矣。
抽著一台玩具車仔。
轉來厝了，和囡仔佇外口人行道拍羽毛球。
伊愈拍愈好，31：28，其實是我讓伊啦。

每一擺太太若和我講話，囡仔攏會插喙，真無禮貌，
太太為著較囡仔愛有禮貌，攏會半嚷半喝，我看囡仔嘛已經皮矣。
人講：捷拍袂驚，捷罵袂聽。
雖然毋甘伊予罵，無教嘛袂使，
也驚伊變皮，但是嘛會使訓練伊習慣壓力，變較勇敢。

暗時予伊和佇美國的姑姑哥哥妹妹視訊講話，
囡仔佇囡仔伴面頭前歡喜甲，講話透大聲，也唱歌，也品玩具。
美國北方已經落雪，真有聖誕節氣氛。

我決定予囡仔有一個美夢，有聖誕老公公。
所以教囡仔將襪仔卦佇窗仔邊，
愛先寫了功課，收好玩具，趕緊睏。
我會用電腦網路去共聖誕老公公登記，
伊會位北歐開始送禮物，閣過是東歐，亞洲，就來咱兜。
其實應該共講：伊會沿著日頭的跤跡，綴著地球自轉，位北太平洋開始送較著。
按呢嘛會使解說著時差的觀念。

昨昏早時，接著電話，高老二敲電話愛我一月十九幫忙揀人。
茲事體大，伊講我老資格，其實是看我彼工閒閒無代誌啦。
才便看。

標籤:

瀏覽次數:236 人氣指數:236 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：