2021.12.26-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,162 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2021.12.25 《前一篇

後一篇》 2021.12.29

回應

給他日記貼紙

給他愛的鼓勵

檢舉

篇名: 2021.12.26
作者: C	日期: 2021.12.26　　天氣: 　心情:

今仔日是十二月二六，禮拜日，我佇羅伯摸非。
昨昏中晝，取阿爸阿母佮太太囡仔去百貨公司大戶屋食飯，點彼號上貴的食。
食了，店員閣送囡仔一台仔耍。
囡仔去阿公和逐家落去六樓耍賽車。無偌久我佮阿爸阿母先轉來。
南仔轉來了閣講欲佇門口拍羽毛球。
真悿，但是嘛是愛陪伊耍。下餔，閣陪伊佇房間排鐵枝路，
下昏暗，太太取囡仔出去食。
轉來閣佇門跤口踢球。
囡仔體力有夠好，我毋知欲安怎陪伊耍矣。
欲睏前，太太放英語冊QR予伊聽，
伊講欲去放屎，愛我唸故事冊予伊聽，
我提冊予伊，家己嘛佇外口看冊，伊換三本。
我感覺真毋好，
1.我應該唸予伊聽
2.伊毋應該養成放屎看冊習慣
3.彼本英語冊攏總30回，我感覺會當分做30日，對應每一日放屎時陣看，
像12月25日就看第25回。
365日逐工放屎就會當規本看12遍。
較久嘛背起來。

我一直想：我的無重心，是因為無計畫。
毋是一工過一工，共工課做煞就准煞。
查甫人愛有目標，閣愛有計畫。
以時間為尺，所學為料，一步一步來起。
但是我的目標是啥？
以這馬頭路來看，我畏事畏小人
以所學的來看，比賽失利緣故，是因為毋知，袂曉將伊縛做伙
逐冬的比賽當作是磨練技術，
但是閣較遠大的目標猶是零
我若是無食這途，猶無知喙曉啥工夫通趁食。
就看囡仔就好：
咱攏感覺人生猶真長，毋過毋教伊揣目標，就會和這馬的家己共款無路用。
伊以後會行到咱以早行過的路，失敗過咱的失敗
我愛位家己開始，做一個範予伊看才著。
就像，阿爸猶咧畫圖，我會共伊出意見
囡仔踢球，我會共伊做伙學
我就愛是一座橋，接通世代傳承交流，
所以我是啥？這座橋毋是空的，是必須愛有風景的。
我會當畫圖，做太太囡仔的老師，阿爸的學生
畫了好，我就是風景。大家就有交流的動機。
我若學語言，阿爸囡仔就會趁機會做伙共學
我若運動，體力若好，陪囡仔耍就毋是問題，
但是我的目標無但是遮，到底是啥？
我想，小目標會當指明路
我平常時遐摮講，落台煞啥攏無，這就是無實踐。
我往過攏想自己空，就會當包容每一項
其實實腹嘛會當做空
親像日頭，看起來誠赤焱，其實伊是空的，
嘛是實的，是因為氣體不斷爆發
我有家己頭路生活，但是每一分秒就是咧燃燒過程
無是欲做予人看，但是人就會看，甚至依賴改變。
桃李無言，下自成蹊，道無為，而無不為
所以我先莫管所為何事而行，
我只要持續運行，
太陽猶是向一個方向不斷前進，身邊行星嘛猶是綴咧行
我嘛愛做如是觀。

12.23(四)早起徛路口，
欲晝，親像揣到二位好跤手，會當訓練做選手。我愛緊準備。
下餔太太講伊欲來看囡仔踢球。
12.22(三)早起徛路口，無偌久走去彩巴摸非
拄到彼位充電媽，伊那行那講電話那罵
閣來講伊予人騷擾，講規晡
店員淑娟來解危，講伊有問題。其實我嘛小可感覺。
下波無開會，我趕緊將代誌趕工。

標籤:

瀏覽次數:213 人氣指數:213 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：