2022.1.29-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,162 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.1.27 《前一篇

後一篇》 2022.1.30

回應

給他日記貼紙

給他愛的鼓勵

檢舉

篇名: 2022.1.29
作者: C	日期: 2022.01.29　　天氣: 　心情:

今仔日是一月二九，禮拜六，落雨，我佇羅伯摸非。
昨昏拜五，透早載囡仔佮阿爸阿母出門，先載去學校，佮越轉來載爸母去門診。
講欲去摸非，結果無紮手機仔，無法度聯絡，就先轉去提。
啥物！兩通電話無接著，阿爸敲來的，隨敲轉去，伊講門診是下晡。
我隨開去載轉來。
進度是款三樓佮五樓，盡量共無愛的擲掉。
中晝鉸咖啡，阿舅來，提伊種的菜(加磨仔菜)來。
我一直呵咾彼枝草仔機誠好用。
下晡太太提早下班，講欲載囡仔剃頭，佮買箱仔貯伊的玩具，
早時我收著一張掛號，是彼間厝的通知。
我敲去問，太太煞有新的想法，遮另日才講。
兩點外我載阿爸阿母去門診了，想欲放尿，車停佇公園，
看一陣人無知創啥貨，倚過共看，是藝術家展覽伊的作品。
雖然聽無嘛罔看罔聽，看會當較有氣質無
藝術這條路，對我來講，干若隔壁逝，欲來過煞無啥印象。

講著藝術，這站仔，位阿爸學生畫廊開始，就有熟似的感覺
昨日看著電視紹介著阿布達比羅浮宮，
彼咧建築師講愛用現代科技格現代感，莫閣用古典的思維，因為無是法國的分館。
這予我真大的刺激。
往過咱攏想欲求古典，定定有"嗟予好古生苦晚"的感慨
其實，每一个時代攏愛有屬於彼个時代的創新，將來才有這个時代的古典記號。
"古人的糟粕"是古文觀止這本冊予我學著的一句話
以早網路頂有一个自稱穿古早衫寫詩的人，予逐家呵咾一有古早味
其實彼當時我就共笑，但是我家己嘛是跳袂開這个束縛
咱愛有屬於這个時代創新代表，才會當佇未來變做一款古典標誌。
只屬於當代，毋是追求過去。
這就是阿爸少年時就做現代雕塑，雖然彼當時予人看做怪物，
但是這站仔煞開始有人研究共款。
阿爸的頭殼一擲攏真新，我愛共伊學。
美感是一種素養，毋管用啥材料，用啥手法。
做主要是清楚表達心內對美感的描述。

昨昏下晡載太太去接囡仔，連假開始，車足濟
載了越去剃頭，閣去邊仔賣場買櫻桃、箱仔佮魚罐頭
囝仔吵欲食火車壽司
伊干焦愛食豆皮壽司。
毋過誠貴，開五百外箍
暗食轉來太太款房間，共無愛的物件攏擲掉
囝仔吵欲耍手機仔的暗棋，伊攏講"君士象"
伊迷著行棋矣，
我昨日共講，人生就親像行棋
啥物重要，啥物無重要愛分清楚
士的邊仔定定是君抑是士，無通烏白掀
就親像生活中無通傷靠穩，危險隨時會出現
炮無通烏白飛，愛想好後路，先開後路才安全
君毋是上厲害的，因為五枝兵，士若和兵型做伙，就天下無敵
所以咱嘛愛有朋友做伙

這禮拜後準真閒，會當做真濟工課，其實一日誠短
短甲食無兩枝薰就欲過矣

標籤:

瀏覽次數:260 人氣指數:460 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：