2022.4.10-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,004 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2022.4.10 《前一篇

後一篇》 2022.4.16

回應

給他日記貼紙

給他愛的鼓勵

檢舉

篇名: 2022.4.10
作者: C	日期: 2022.04.10　　天氣: 　心情:

今仔日是四月初十，禮拜日，我佇羅伯摸非。
昨昏無去臺中，倚晝時才在阿母去庄跤載阿爸。
我先予太太騎車去五金行買畚箕。
結果宏展佮小北攏無賣。少年店員竟然攏聽毋知畚箕是啥...
可能市內毋人做穡，罕得看。
結果先駛去路竹大賣場揣，干焦有塑膠佮鐵仔兩種，已經無竹仔編的
時代變化誠緊，我攏以為彼是誠平常的物件。

轉來時，學姊敲來問伊欲朗讀的問題，
關於"一片天"是讀pinn抑是pian，參詳討論誠久。
結論：
古早較罕彼款用法，
小面積用pinn，大面積用pian，
但是現代人攏用pinn，譬如王識賢唱的。
積非成是嘛是語言的生命力印證。
語言嘛是會新生-轉變佮死亡。
有當時，看著群組佇遐唱欲恢復古漢語，遮嘛是誠奇怪的代誌。
十三四世紀開始的文藝復興，嘛是無法度完全回到希臘羅馬向時
顛倒是開創出新的想法，毋才有後來五花十色的發展。
綴時代行，藝術不離科學，各面向的專業互相交摻互相應用，
會當繩出佮較新的時代印記。
反動派的"嗟予好古生苦晚"，嘛是會因為時代影響佮個人特色，
演變做新的時代潮流。
華爾滋、印象派、台客等等就是按呢堅持出旺盛的經典。
咱所謂的古典，嘛曾經捌是古早的反動或者是背骨、創新。
台予若講欲回到最初的語言，其實就無八聲七調，逐家攏大舌閣興喋
語言的文雅性，是內容，毋是種類。
親像人仝款。毋是金頭毛歐洲人就較高尚，烏肉底的亞洲非洲人較落伍。
好人歹人在心不在貌，講話雅俗在內容，不在語言別。

我昨昏無應該妄議宗教，畢竟我毋捌。
我家己的代誌先管好，責任有盡，才是上要緊。

標籤:

瀏覽次數:176 人氣指數:176 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：