2024.5.18-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,004 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.5.11 《前一篇

後一篇》 2024.5.25

回應

給他日記貼紙

給他愛的鼓勵

檢舉

篇名: 2024.5.18
作者: C	日期: 2024.05.18　　天氣: 　心情:

今仔日是五月十八，禮拜六。我佇葛肥多摸非。
昨暝莫名其妙佮太太冤家。
只要講著厝裡，太太就會一直嫌東嫌西，袂輸無一塊好的。

伊一直感覺阮兜攏袂輸靠勢有錢，攏想欲用錢解決代誌。
原因是講著：阿姐看著阿母袂堪得做，所以倩社會局來評估。
決定拜一拜三拜五來厝裡煮暗頓。
伊講這是嫌錢傷濟，若買便當敢無較俗？
太太一直叫我莫佇厝食，阿母較袂麻煩。
像伊兜攏嘛隨人食家己。
我應講出去食毋才是錢傷濟。太太就袂直矣，
我感覺伊取囡仔逐工出去食攏愛兩百箍，實在誠傷重。

太太攏無想講是因為家己無欲煮，老歲仔毋才倩人煮。
我無講是因為驚傷感情，伊煞愈講愈大聲。
閣講著以前代誌：一下班就愛煮飯，共囡仔囥佇客廳和規家看電視，
伊一个無閒東無閒西。
我想講佗一个職業婦女毋是按呢？我毋是無共鬥做工課啊。
伊的工課已經無予時間縛牢，閣會當去學畫圖、去上課。
無的代誌，伊攏無白臆，家己臆家己著，就開始一連串烏白想烏白講。
愈講愈氣，愈講愈大聲。
我欲佮伊冤，伊就講我大聲，無愛佮伊冤，伊就講我閣欲逃避。
一件代誌講袂了就閣冤別項。
雖然講厝裡毋是講道理講是非的所在，但是上起碼的尊重愛有。
伊規心看阮兜的人袂起。
誠濟當事人的姑不將的作法，伊這个局外人攏會感覺家己較著，看袂起才閣來笑別人的作法。
伊的阿姊，我的阿姊攏是按呢，
對家庭的付出，對囡仔的栽培方式，伊用一个局外人來看待，正剾倒削，袂輸伊才上厲害。
結果對囡仔的心理嘛是無掠牢。

我實在毋知今仔日若去新厝，欲按怎無法度袂歹面相看。

標籤:

瀏覽次數:153 人氣指數:173 累積鼓勵:1

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：