2024.7.1-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,004 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.6.30(日) 《前一篇

後一篇》 2024.7.3

回應

給他日記貼紙

給他愛的鼓勵

檢舉

篇名: 2024.7.1
作者: C	日期: 2024.07.01　　天氣: 　心情:

今仔日是七月初一，禮拜一，我佇葛雷多摸非。
今仔日欲載阿母去門診。
這站仔雖然較閒，但是攏會感覺懶絲，按呢毋好。所以重要的是：生活愛有目標。
佇業界遮爾久矣，是愈來愈歹蹛，利用今仔日來做一个反省較好。
囡仔較大漢矣，愈來愈貧惰，想法佮性地嘛愈來愈大。
愛揣出陪伊做伙大漢的方法，
家己身體是愈來愈懶，不時頷頸筋攏硬硬，頭殼疼。
我若貧惰振動，囡仔就會綴我懶落去，我若對伊歹性地，伊就會愈反抗。
所以我愛揣出治療家己的方法，順囡仔性，愛運動，較會當陪伊較久。

所以我愛陪伊讀冊：暗時有一个時間會當和伊做伙看冊，講故事道理予伊聽
我愛開始運動：就算拍球，慢跑，予伊會當練習振動，較會正常作息
我愛無閒工課：予囡仔知影我食人頭路，毋是閒閒，將產品的檢驗過程，一項一項予伊參與練習。
陪伊彈琴，我愛將伊的曲目綴咧練。伊的問題我嘛較會當體會解決。
伊愛看影片，我就揣較濟相關古典音樂的影片提高伊的興趣。
伊愛聽啥物音樂，我嘛綴咧聽，這若是現此時流行的，我嘛袂使落伍。
我會當陪伊做伙練習五十音，家己嘛會當學。

伊的暑假，我欲鼓勵伊寫日記，
用寫、用畫來表達心情佮記事，練習表達的技巧。
我欲鼓勵伊唱歌，囡仔聲遐好聽，應該唱歌，袂使號。
我袂使佮耍手機仔，袂使予伊看著我撥手機仔。
我攏愛先做予伊看，
逐工我攏愛是親像咧上班，伊就是我的產品，太太是我的客戶。
所以我的生活愛開始調整，我愛開始建立目標，依照檢驗表，一項一項來。
人生的過程，大概就是攏愛符合檢驗標準，才會當達成目標。

標籤:

瀏覽次數:148 人氣指數:348 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：