2024.7.14-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,548,004 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2024.7.5 《前一篇

後一篇》 2024.7.15

回應

給他日記貼紙

給他愛的鼓勵

檢舉

篇名: 2024.7.14
作者: C	日期: 2024.07.14　　天氣: 　心情:

今仔日是七月十四，禮拜日。我佇葛雷多摸非。
昨暝晏睏，今仔日晏起床。
這禮拜攏是佇中北部，聽我說起：
7/7(日)頂禮拜日，倚中晝才出門。先去新厝提物件：我的長褲佮阿慶的積木。
結果出來民族路欲行10號，才發現愛踅到仁武才有交流道，應該愛對博愛路起去才會使。
太太袂記紮予大姊的圖，佮寫路線飯店的筆記簿。
先停東山，到塗城黃昏市仔買果子。
暗頓講是大嫂煮的菜，因為伊的囡仔有來做伙食，結果韭菜花炒甲無滋無味。
暗時食飯飽，照遐的規矩是細漢的愛洗碗。
大姊的大漢後生目前實習警察，寄蹛佇遐，二哥的第二後生拄娶新婦，嘛轉來做伙食。
照理應該輪兩人去洗，結果警察生講：佇厝裡攏無人敢叫伊洗碗。所以伊叫小弟阿慶落去洗。
新婦的尪嘛去鬥相共。這馬的少年家攏袂輸家己偌大，有寡生活倫理abc攏無咧插。
我就想著太太嘛是差不多按呢。聽講話的口氣就知。
佇囡仔的外媽厝隔一暝。
7/8(一)透早泡茶，出門煞袂記共茶米款起來，誠歹勢。
中晝出門趕公車。坐去火車頭等一點四十五分的自強號。三點二十到桃園。
先去飯店歇睏一下。講欲去利百代觀光工廠。太太無足興。
在我的感覺是太太無想欲去，因為聽著愛行二十分鐘。
伊就敲電話問。結果五點半逐間攏歇睏矣。
只好附近街仔踅一下，我看著桃園街頭的色水真艷麗的感覺。
暗時附近大個子食刀削麵，想著愛洗衫，取囡仔去，揣著一間艾多，結果毋是滾筒式，無計算時間。
就佮囡仔佇附近的多那之時食咖啡。等太太來。
誠點鐘了，佮去烘半點鐘予焦。
轉去飯店十點外矣。
7/9(二)透早我去買早安美之城早頓，誠貴。佮711咖啡。
早起講欲去虎頭山。結果揣無公車牌，揣甲欲變面。我感覺伊無想欲去的款。
毋過囡仔誠認真揣車牌。
行到桃花園飯店站，我手機仔上網揣，真正有公車欲來矣。是一台十二人座小巴。
佳哉有一位大姊取路。坐到桃園高中落車，行過孔子廟，就到奧爾森林學堂。
予囡仔佇遐耍。
我行買一塊蔥抓餅30箍。
落山前佮拄著彼位大姊，伊講高中邊仔對面有一間麵店。
我就取太太囡仔去食中晝，
轉去車頭飯店提行李。坐火車到鶯歌。
囡仔相著一間水晶店。佇內面踅誠久。買四粒珠仔。
佮型去老街，太太買一个金鑠鑠的花坩。
佮踅一睏，開始落雨。就趕緊閣坐火車，無落山佳。直接去板橋。
板橋落大雨，綴人排隊等計程車。
上車了司機知影阮欲去的飯店佇附近，短途伊無想欲載，但是嘛袂使。
到飯店了，總算會當小歇睏矣。

標籤:

瀏覽次數:148 人氣指數:348 累積鼓勵:10

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：