2025.4.26-C│愛情公寓交友網站與聊天室

還沒登入愛情公寓嗎？還沒加入愛情公寓嗎？馬上進入公寓和 10,567,722 個住戶交朋友～

紅包抽抽樂！小資變土豪！

素人也能成為明日之星！

移除此區廣告請加入VIP

檔案狀態:

住戶編號:2268321

C 的日記本

快速選單

2025.4.19 《前一篇

回應

給他日記貼紙

給他愛的鼓勵

檢舉

篇名: 2025.4.26
作者: C	日期: 2025.04.26　　天氣: 　心情:

今仔日是四月二十六，禮拜六。我佇葛雷多摸非。
囡仔考著資優班矣，誠歡喜。
頂禮拜4/20(日)下晡佮太太取囡仔去文府國小考試，是第二階段部分。
彼日透早囡仔就叫我起來，我講今仔日無耍手機仔，
伊就講欲騎跤踏車。結果沿著寶珠高邊沿路騎，騎到客家文物館。
我佇邊仔那行那走，走甲大粒汗細粒汗。毋過早起運動誠爽快。
倚中晝才食早頓食了，太太予囡仔補眠，睏中晝睏予飽
一點半叫伊起床，太太講中晝買水餃去學校附近等，囡仔佮欲看火車。
伊三點入場，我佮太太就去附近超商等。
五點考了出來，伊講無考七巧板，另外幾條題目毋知回答了敢有著。
考了總是輕鬆小可。

昨昏中晝太太敲電話予我，一開始講囡仔考無著，
我安慰講無要緊，因為正常人攏嘛考袂著，就佮其他同學做伙讀冊就好。
結果太太講有考著。我嘛誠歡喜。
袂輸古早謝安聽著淝水之戰勝利，表面無啥波瀾，內心實在興奮，去踢斷柴屐仝款。

昨昏透早囡仔嘛是險袂赴，我出門嘛傷敢，袂記帶跤球佮掛假喙齒。
所以載囡仔到學校了，佮踅轉去厝提。
阿母煮好欲出門電頭毛，我順紲載伊去，
佮踅去新厝囥跤球，予太太下晡提去接囡仔。
所以昨早慢半點鐘到公司。

昨日拜四生日，暗時阿母講欲請我食便當，叫太太去買。
所以無食雞卵糕，
這馬逐冬我攏會佇生日雞卵糕頂插數字蠟條
過生日是一冬一冬少，每一擺生日攏是這世人唯一的一擺。攏值得珍惜紀錄。

最近攏會佮廠裡少年仔分享：
自我開始食頭路趁錢，攏袂曉通買厝，二十外冬前厝較俗毋知買，早若買，這馬貸款嘛納欲了矣。
這馬買，厝愈貴，貸款納愈久，愛納到八九十歲。
人生不重來啊。愛珍惜每一日啊。

標籤:

瀏覽次數:2 人氣指數:2 累積鼓勵:0

切換閱讀模式

回應

給他日記貼紙

給他愛的鼓勵

檢舉

給本文愛的鼓勵：